ആ ബഹുമതിക്കര്‍ഹന്‍ ഒര്‍ണ കൃഷ്ണന്‍ കുട്ടി

പച്ചക്കുതിര 2019 ജനുവരി ലക്കത്തില്‍ കോഴഞ്ചേരി കുറിയന്നൂരില്‍, പുലയശിവനെ പ്രതിഷ്ഠിച്ച തപസി ഓമലിനെ കുറിച്ച് ഡോ .സുരേഷ് മാധവ് എഴുതിയ സചിത്ര ലേഖനം ഏറെ താല്‍പ്പര്യ പൂര്‍വ്വം വായിച്ചു. ലേഖകനും .ലേഖനം പ്രസിദ്ധീകരിച്ച പച്ചക്കുതിരയും  അനുമോദനം അര്‍ഹിക്കുന്നു .

തപസി ഓമലിനെ കുറിച്ചും അദ്ദേഹം പ്രതിഷ്ടിച്ച പുലയ ശിവനെ  കുറിച്ചും ആദ്യമായി വായിച്ചത് പ്രൊഫ.എന്‍. ഈ കേശവന്‍ നമ്പൂതിരി എഴുതിയ “തെക്കുംകൂര്‍ ചരിത്രവും പുരാവൃത്തവും” (എന്‍ ബി.എസ് 2014 )എന്ന കൃതിയില്‍ നിന്നായിരുന്നു (പുറം 237). 
2014 ആഗസ്റ്റ്‌ 3 ലക്കം കേരളശബ്ദം വാരികയില്‍ ഒര്‍ണ കൃഷ്ണന്‍ കുട്ടി എഴുതിയ ലേഖനം ആയിടയ്ക്ക് തന്നെ വായിച്ചു. 

മാതൃഭൂമി 2016 സെപ്തംബര്‍  26 ലക്കത്തില്‍ പുറം 21 ഇന്ദു മേനോന്‍ എഴുതിയ “പുലയടി” എന്ന കഥയിലും തപസി ഓമലും പുലയ ശിവനും പരാമര്‍ശിക്കപ്പെട്ടു . അഡ്വേ.മുന്തൂര്‍ കൃഷ്ണന്‍ സൈന്ധവ മൊഴി 2016 ആഗസ്റ്റ്‌-സെപ്തംബര്‍ ലക്കത്തില്‍ തപസി ഓമലിനെ കുറിച്ച് എഴുതിയിരുന്നു .ഇപ്പോള്‍ പച്ചക്കുതിരയില്‍ ഡോ. സുരേഷ് മാധവ് എഴുതിയ സചിത്രലേഖനം തന്നെയാണ് ആധികാരികമായതും സുദീര്‍ഘമായതും എന്നത് സമ്മതിക്കാം .എന്നാല്‍ ദളിത്‌ സന്യാസി നടത്തിയ ശിവ പ്രതിഷ്ഠ യുടെയും നിശ്ശബ്ദ നവോത്ഥാനത്തിന്റെയും ചരിത്രം “ആദ്യമായാണ്‌” വെളിച്ചം കാണുന്നതെന്ന പരാമര്‍ശം (പുറം 4) ശരിയല്ല.

തപസി ഓമലിന്‍റെ  പുലയ ശിവ പ്രതിഷ്ടയെ കുറിച്ച് ആദ്യമായി ലേഖനം പ്രസിദ്ധീകരിച്ചു എന്ന ബഹുമതി ഒര്‍ണ കൃഷ്ണന്‍ കുട്ടിയ്ക്ക് (ചുണ്ടങ്ങാത്തടം ,പെരുമ്പാവൂര്‍ 683556 mob: 8281456773 Email: ornakrishankutty@gmail.com ) മാത്രമാണ് .അദ്ദേഹത്തിന്‍റെ  “പുലയരുടെ ചരിത്രം- ഒരു പഠനം” (ബുദ്ധ ബുക്സ്, അങ്കമാലി, ആഗസ്റ്റ്‌ 2017) എന്ന കൃതിയില്‍ കേരള ശബ്ദത്തില്‍ (ലക്കം  )നേരത്തെ വന്നിരുന്ന ഓമലിന്‍റെ ജീവചരിത്രത്തിന്  പുറമേ, വൈക്കം സത്യാഗ്രഹത്തില്‍ പങ്കെടുത്ത ആമചാടി കണ്ണന്‍ തേവന്‍ തുടങ്ങി നാല്‍പ്പതില്‍ പരം അറിയപ്പെടാത്തതും എന്നാല്‍ അറിയേണ്ടതുമായ പുലയ സമുദായ നേതാക്കളുടെ ലഘു ജീവചരിത്രം വായിക്കാം. ആരുടെയും ചിത്രം ഇല്ല എന്നത് മാത്രമാണ് ഒരു കുറവ്.

 അയ്യാവഴി സ്ഥാപകന്‍ അയ്യാ വൈകുണ്ടന്‍ തന്‍റെ ചിത്രമോ പ്രതിമയോ പാടില്ല എന്ന് നിഷ്കര്‍ഷിച്ചിരുന്നു .പക്ഷെ ആരാധകര്‍ ഏതോ ചിത്രകാരന്‍ വരച്ചു നല്‍കിയ തലേക്കെട്ടോടു കൂടിയ രേഖാ ചിത്രം വലിയ തോതില്‍ പ്രചരിപ്പിച്ചു കൊണ്ടിരിക്കുന്നു .തീര്‍ച്ചയായും തപസി ഓമലിന്‍റെ  ഒരു രേഖാ ചിത്രം കൂടി നല്കാന്‍ സുരേഷ് മാധവും പച്ചക്കുതിരയും  ശ്രദ്ധിക്കേണ്ടിയിരുന്നു .

തപസി ഓമല്‍ സ്ഥാപിച്ച ശിവക്ഷേത്രം ഇതെഴുതുന്ന ആള്‍ സന്ദര്‍ശിക്കയും ഭാരവാഹികളെ കണ്ടു (സെക്രട്ടറി ശ്രീ തങ്കപ്പന്‍ മൊബൈല്‍ 9544786805) വിവരങ്ങള്‍ ശേഖരിക്കയും ചെയ്തിരുന്നു (15 ഒക്ടോബര്‍ 2017)

.ഫോട്ടോകളും വീഡിയോയും എടുത്ത് നവമാധ്യമങ്ങളില്‍ നല്‍കിയിരുന്നു .വീഡിയോ യൂ ട്യൂബില്‍ ലഭ്യമാണ് . https://www.youtube.com/watch?v=OXJwPkQCjHA&t=31s

ഡോ കാനം ശങ്കരപ്പിള്ള,പൊന്‍കുന്നം

Mob: 9447035416 E-mail: drkanam@gmail.com