Monday, 19 February 2018

ഒറ്റയാന്‍ ഓല ഒരു വ്യാജന്‍

ഒറ്റയാന്‍ ഓല ഒരു വ്യാജന്‍
=============================
പെന്‍സില്‍വേനിയ യൂണി വേര്‍സിറ്റിയിലെ പ്രൊഫസ്സറും തെന്നിന്ത്യന്‍ ലിഖിത പണ്ഡിതനും ആയ ദാവൂദ് അലിയുമായി എസ് രാജേന്ദു ന ടത്തിയ അഭിമുഖം 2018 ഫെബ്രുവരി 18 ലക്കം മാതൃഭൂമി വാരാന്തപ്പതിപ്പില്‍ വന്നത് താല്പ്പര്യ പൂര്‍വ്വം വായിച്ചു .ചോള കാലത്തെ ഒരു ചെപ്പേടിന്‍റെ ചിത്രം നല്‍കിയത് ശ്രദ്ധേയമായിരിക്കുന്നു . ചെമ്പോലകള്‍ മുദ്ര പതിപ്പിച്ച ഒരു മോതിര വളയത്താല്‍ ബന്ധിക്കപ്പെട്ടിരിക്കുന്നു .തെക്കെഇന്ത്യയിലെ ഡോ .എം ജി എസ് നാരായണന്‍ ,ഡോ .എം ആര്‍ രാഘവവാര്യര്‍ ,പ്രൊഫ ,കേശവന്‍ വെളുത്താട്ട് ,പ്രൊഫ രാജന്‍ഗുരുക്കള്‍ എന്നിവരെ മാതൃകാ എപ്പിഗ്രാഫിസ്റ്റ് കളായി പ്രൊഫ .അലി ചൂണ്ടിക്കാട്ടുന്നു .ഈ പറഞ്ഞ എപ്പിഗ്രാഫിസ്റ്റുകള്‍ നമ്മുടെ ഏറ്റവും പഴയ ചെമ്പോലയായ അയ്യന്‍ അടികളുടെ തരിസാപ്പള്ളി ശാസനത്തെ (സി.ഇ 849) കുറിച്ച് എഴുതിയ വസ്തുതകള്‍ വായിക്കാന്‍ കഴിഞ്ഞിട്ടുണ്ട് ഡോ.എം ജി.എസ് നാരായണന്‍ ആകട്ടെ അദ്ദേഹത്തിന്‍റെ ഡോക്ടറല്‍ തീസ്സിസ് Perumals of Kerala എന്ന പേരില്‍ ഗ്രന്ഥമാക്കിയപ്പോള്‍ (2015) കവര്‍ ചിത്രമായി നല്‍കിയത് തരിസാപ്പള്ളി ശാസനത്തിലെ അവസാന ഓല എന്ന് പറയപ്പെടുന്ന വിദേശ ലിപികളില്‍ വരഞ്ഞ “ഒറ്റയാന്‍” ഓല ആണെന്ന് കാണാം .ഒരു പുരാതന രേഖ കിട്ടിയാല്‍ അത് വിശദമായ ബാഹ്യവിമര്‍ശനത്തിനും ആന്തര വിമര്‍ശനത്തിനും വിധേയമാക്കണം ആക്കണം എന്നും മറ്റും ഡോ .എം ജി.എസ് നാരായണന്‍ എഴുതാറുണ്ട് .”ബാഹ്യ വിമര്‍ശനത്തില്‍ അതിന്‍റെ തീയതി ,പേരുകള്‍ ,കയ്പ്പട ,ഭാഷ ,സംവിധാനം എന്നിവയെല്ലാം നിഷ്കൃഷ്ട പരിശോധനയ്ക്ക് വിധേയമാക്കുന്നു “(ചരിത്രം വ്യവഹാരം –കേരളവും ഭാരതവും കറന്റ് ബുക്സ് 2015 പുറം x).
പക്ഷെ മുകളില്‍ പറഞ്ഞ ഒരു ചരിത്ര പണ്ഡിതനും നാളിതുവരെ തരിസാപ്പള്ളി പട്ടയത്തിലെ പശ്ചിമേഷ്യന്‍ ഓല “ബാഹ്യ” വിമര്‍ശനത്തിനു വിധേയമാക്കിയിട്ടില്ല എന്ന് ചൂണ്ടി ക്കാണിക്കട്ടെ .പശ്ചിമേഷ്യന്‍ ഓല അയ്യന്‍ അടികള്‍ എഴുതിച്ചതാണ്‌ എന്നതിന് എന്താണ് തെളിവ് ? ഓലകള്‍ ബന്ധിപ്പിച്ചിരുന്ന വലയം എവിടെ ?. അയ്യന്‍ അടികളുടെ ആന മുദ്ര എവിടെ ?.എങ്ങനെയാണ് വലിപ്പ വ്യത്യാസം ഉള്ള, വട്ടെഴുത്തോ ഗ്രനഥാക്ഷരമോ ആയ്യനടികളുടെ ആനമുദ്രയോ ഇല്ലാത്ത ഒറ്റയാന്‍ ഓല തരിസാപ്പള്ളി ശാസനഭാഗം ആകുന്നത് ? നമ്മുടെ ചരിത്രപണ്ടിതന്മാര്‍ മറുപടി പറയാന്‍ ബാദ്ധ്യസ്ഥ രല്ലേ ?”ഒരു പക്ഷെ സാക്ഷി പട്ടികയിലെ ചില പേരുകള്‍ വിട്ടുപോയിരിക്കാം “ എന്ന് രാഘവവാര്യര്‍ വെളുത്താട്ട് കേശവന്‍ എന്നിവര്‍ അവര്‍ കൂട്ടായി എഴുതിയ തരിസാപ്പള്ളിപ്പട്ടയം (എന്‍.ബി.എസ് 2013) മുഖവുര യില്‍ (പുറം 12) ആങ്ക്തില്‍ ഡ്യു പെരോണ്‍ എന്ന ഫ്രഞ്ച് സഞ്ചാരി രചിച്ച സെന്റ്‌ അവസ്ഥ (1771 പാരീസ് ) എന്ന കൃതിയില്‍ “നാട്ടുകാരായ ചില സാക്ഷികളുടെ പേര്‍ “ ഉണ്ടെന്നു പറയുന്ന രാഗവവാര്യര്‍ ,വെളുത്താട്ട് ദ്വയം ആ വേണാടന്‍ സാക്ഷിപട്ടിക അവരുടെ പഠനത്തില്‍ അജ്ഞാത കാരണത്താല്‍ നല്‍കുന്നില്ല .എന്നാല്‍ ഇന്റര്‍നെറ്റ് നോക്കാന്‍ അറിയുന്ന ഏതൊരു വ്യക്തിക്യ്ക്കും എന്തിനു കുട്ടികള്‍ക്കുപോലും പെറോ നല്‍കുന്ന ആ സാക്ഷി പട്ടിക വായിക്കാം 2015 നവംബറില്‍ കോട്ടയം സി.എം എസ് കോളേജ് ദ്വിശതാബ്ദി ആഘോഷ ഭാഗമായി നടത്തപ്പെട്ട അന്തര്‍ദ്ദേശീയ ചരിത്ര കൊണ്ഫ്രാന്‍സ്സില്‍ ഈ ലേഖകന്‍ പതിനേഴു പേരുള്ള ,ഇടയില്‍ അയ്യന്‍ അടികളുടെ ആന മുദ്ര വരുന്ന നാടന്‍ സാക്ഷിപട്ടിക ZEND AVESTA(1771)യില്‍ നിന്നും എടുത്തു കാട്ടുകയുണ്ടായി .തിരുവനന്ത പുറത്ത് നിന്ന് പ്രസിദ്ധീകരിക്കുന്ന കിളിപ്പാട്ട് മാസികയില്‍ ആ പ്രബന്ധഭാഗം അച്ചടിച്ചു വന്നിട്ടുണ്ട്
(ഡോ കാനം ശങ്കരപ്പിള്ള ഡോ.,”തരിസാപ്പള്ളി പട്ടയത്തിലെ ഒളിച്ചു വയ്ക്കപ്പെട്ട സാക്ഷികൾ” ,കിളിപ്പാട്ട് മാസിക,തിരുവനന്തപുരം -8 പുസ്തകം 10 ലക്കം 7 ജനുരി 2016 പേജ് 11-12)
ഡോ കാനം ശങ്കരപ്പിള്ള,പൊന്‍കുന്നം
Mob:9447035416E-mail : drkanam@gmail.com
Blog: www.charithravayana.blogspot.in

Tuesday, 6 February 2018

“തമസ്കരണ വീരന്‍” എം ജി.എസ് നാരായണന്‍

“തമസ്കരണ വീരന്‍” എം ജി.എസ് നാരായണന്‍
===========================================
സാഹിത്യ പ്രവര്‍ത്തക സംഘം 2017 ജൂലായില്‍ പ്രസിദ്ധീകരിച്ച “കേരളം ചരിത്ര വഴിയിലെ വെളിച്ചങ്ങള്‍” എന്ന കൃതിയാണ് ഡോ .എം ജി എസ് നാരായണന്‍റെ ഏറ്റവും അവസാനം പുറത്തിറങ്ങിയ ചരിത്ര പഠന ഗ്രന്ഥം “ആദ്യ ഭാഗം പന്ത്രണ്ടു ലേഖനങ്ങള്‍ .രണ്ടാം ഭാഗം എട്ടു സ്മരണകള്‍ .മൊത്തം112 പേജുകള്‍ .വില 110 രൂപാ മാത്രം
എം.ജി.എസ്സിന്‍റെ ചരിത്ര ലേഖനങ്ങളിലെ പതിവ് ന്യൂനതകള്‍ ഈ ലേഖന സമാഹാരത്തിലും കാണാം. തമസ്കരണങ്ങള്‍, തെറ്റുകള്‍ ,മലബാര്‍ ചരിത്രകാരന്മാര്‍ക്ക്‌ തിരുവിതാംകൂര്‍ ചരിത്രത്തില്‍ ഉള്ള അജ്ഞത വെളിവാക്കുന്ന പ്രസ്താവനകള്‍ എല്ലാം ഈ ലേഖനസമാഹാരത്തിലും ഇഷ്ടം പോലെ കാണപ്പെടുന്നു .
ശാസ്ത്രീയ കേരള ചരിത്ര പിതാവ് ആയ ഡോ .എം ജി.എസ് നാരായണന്‍ തിരുവനന്തപുരത്ത് ഇപ്പോള്‍ അക്കൌണ്ട് ജനറല്‍ ഓഫീസ് ഇരിക്കുന്ന സ്ഥലത്ത് താമസിച്ചിരുന്ന ചിന്നയ്യാ പിള്ള എന്ന മലയാളി പോലീസ് കാരന് ജനിച്ച വെങ്കിട്ടന്‍ എന്ന ചെമ്പകരാമന്‍ പിള്ളയെ അറിയില്ല .കാരണം 1891 ല്‍ അദ്ദേഹം ജനിച്ചത് മലബാറില്‍ അല്ല ഇങ്ങു തിരുവിതാം കൂറില്‍ .സ്കൂള്‍ പഠന കാലത്ത് തന്നെ ബ്രിട്ടീഷ് കാരെ തുരത്താന്‍ വിപ്ലവം തുടങ്ങാന്‍ ആഗ്രഹിച്ച ബാലന്‍ .ജയ്‌ ഹിന്ദ്‌ മുദ്രാവാക്യം ആവിഷകരിച്ച മിടുക്കന്‍ മലയാളികുട്ടി .നാട്ടില്‍ നിന്നാല്‍ ബ്രിട്ടീഷുകാര്‍ കൊല്ലും എന്ന് മനസ്സിലാക്കി ജ്ഞാന പ്രജാഗര സ്ഥാപകന്‍ തൈക്കാട്ട് അയ്യാവു സ്വാമികള്‍ എന്ന ശിവരാജയോഗി ,കേരള നനവോത്ഥാന നായക മഹാഗുരു തന്നില്‍ നിന്നും രഹസ്യമായി രസവാദ രഹസ്യം കയ്ക്കലാക്കാന്‍ വന്ന ലോക പ്രസിദ്ധ ബ്രിട്ടീഷ് സസ്യ ശാസ്ത്രഞ്ജന്‍ സര്‍ വാള്‍ ട്ടര്‍ വില്യം സ്ട്രിക് ലാന്‍ഡിനൊപ്പം ജര്‍മ്മിനിയിലേക്ക് വിട്ട ചുണക്കുട്ടന്‍ .അദ്ദേഹത്തെ ഡോ .എം ജി.എസ്സിനറിയില്ല .ലോക ചരിത്രത്തില്‍ സമാനതകള്‍ ഇല്ലാത്ത ഒരു സമരം എന്ന തലക്കെട്ടില്‍ ഡോ .നാരായണന്‍ തയാറാക്കിയ ലേഖനം ഇന്ത്യന്‍ സ്വാതന്ത്ര്യ സമരത്തെ കുറിച്ചാണ് .അതിനായി ആദ്യം പോരാടിയ തോക്ക് കയ്യിലേന്തിയ ജയ്‌ ഹിന്ദ്‌ ചെമ്പകരാമന്‍ പിള്ളയെ (1891-1934) നേതാജി സുഭാഷ് ചന്ദ്ര ബോസ്സിന്‍റെ രാഷ്ട്രീയ ഗുരുവിനെ മലയാളിയായ ഡോ .”മുറ്റാനിയില്‍” ഗോവിന്ദ മേനോന്‍ നാരായണന്‍ തമസ്കരിച്ചു കളഞ്ഞു
http://www.manoramaonline.com/…/kerala-independence-chembak…
“ശാസ്ത്രീയ കേരള ചരിത്ര പിതാവ്” എന്ന് സ്വന്തം ശിഷ്യന്‍ ടി .ആര്‍ വേണുഗോപാലനെ കൊണ്ട് വിളംബരം ചെയ്യിക്കുന്ന ഡോ .എം ജി.എസ് നാരായണന്‍ (കേസരി വാരിക എം.ജി.എസ് ശതാഭിഷേക പതിപ്പ് 2017 ജനുവരി 20 ''ചരിത്രത്തോടോപ്പം സഞ്ചരിച്ച ഒരാള്‍'' എം.ജി.എസ് നാരായണന്‍റെ ശതാഭിഷേക (20 ആഗസ്റ്റ്— 2016) -ത്തിനോടനുബന്ധിച്ചു തയ്യാറാക്കിയ മൂന്നു പഠനങ്ങള്‍. 'ചരിത്രരംഗത്തെ അതിനാഥന്‍'(പ്രൊഫ. പി.കെ മൈക്കിള്‍ തരകന്‍), ''ഏതു പക്ഷത്തിനും മറുപക്ഷമായ എം.ജി.എസ്'' (രാജന്‍ ഗുരുക്കള്‍), ''മൗലികതയുടെ പെരുമാള്‍'' (പ്രൊഫ. ടി.ആര്‍ വേണുഗോപാല്‍) നിരവധി സന്ദര്‍ഭങ്ങളില്‍, ആ സ്ഥാനം ശരിയ്ക്കും അര്‍ഹിക്കുന്ന മനോന്മണീയം പെരുമാള്‍ സുന്ദരന്‍ പിള്ളയെ തമസ്കരിക്കുന്നതായി കാണാം .മാധ്യമം വാരികയില്‍ വന്ന ആത്മകഥ ,കേരള ചരിത്രത്തിലെ 10 കള്ളക്കഥകള്‍, ജന്മഭൂമി ഓണം വിശേഷാല്‍ പതിപ്പ് 2017 (നാലുവാല്യങ്ങളില്‍ , “അവിട്ടം” വാല്യത്തിലെ “ചരിത്രം നിഷ്പക്ഷമല്ല”
പുറം 33മുതല്‍ 64 വരെ .) ലെ സുദീര്‍ഘമായ അഭിമുഖം എന്നിവയില്‍ മാത്രമല്ല, ഈ അവസാന കൃതിയിലും ആ തമസ്കരണം തുടരുന്നു
കേരളത്തിലെ ആലപ്പുഴയില്‍ ജനിച്ച മനോന്മണീയം സുന്ദരന്‍ പിള്ള എന്തുകൊണ്ടാണ് “ദക്ഷിണേന്ത്യന്‍ ചരിത്ര പിതാവ്” ,”കേരള ചരിത്ര പിതാവ്” എന്നെല്ലാം അറിയപ്പെടുന്നത് ? എന്തുകൊണ്ടാണ് കരുണാനിധി സര്‍ക്കാര്‍ സുന്ദരംപിള്ളയുടെ പൂര്‍വ്വികരുടെ നാടായ തിരുനെല്‍വേലി യില്‍, മനോന്മണീയം സുന്ദരനാര്‍ (എം.എസ് )എന്ന പേരില്‍ ഒരു സര്‍വ്വ കലാശാല സ്ഥാപിച്ചത് ?എന്തുകൊണ്ടാണ് സുന്ദരന്‍ പിള്ള തന്‍റെ മനോന്മണീ യം നാ ടകത്തിനായി (1892)എഴുതിയ അവതരണ ഗാനം തമിഴ് നാട്ടിലെ ദേശീയഗാനം(തമിഴ് വാഴ്ത്ത്- ജൂണ്‍ 1970) ആയി അം ഗീ കരിക്കപ്പെട്ടത്?
മുകളില്‍ കൊടുത്ത ചോദ്യങ്ങള്‍ക്ക് ഒറ്റ ഉത്തരം ആണുള്ളത്.പെരുമാള്‍ സുന്ദരം പിള്ള തയാറാക്കിയ The age of Thirujnana sambandha 1891 എന്ന പ്രൌഡഗംഭീരമായ ഗവേഷണ പഠന പ്രബന്ധം .”പത്ത് പാട്ട്”
(The Tamil Idylls) എന്ന പേരില്‍ സുന്ദരന്‍ പിള്ള തയാറാക്കിയ പഠനത്തെ അവലോകനം ചെയ്യവേ E Hultzch എന്ന പണ്ഡിതന്‍ (Eugen Julius Theodor Hultzsch (29 March 1857 - 16 January 1927) was a German Indologist and epigraphist who is known for his work in deciphering the inscriptions of Ashoka.) സുന്ദരന്‍ പിള്ളയെ ഒന്ന് പ്രകോപിപ്പിച്ചു .തിരുജ്ഞാനസംബന്ധരുടെ ജീവിതകാലം കാള്‍ഡ വെല്‍ (Bishop Robert Caldwell (7 May 1814 – 28 August 1891) ) പറയുന്നതിലും ഏറെ മുന്‍പാണ് എന്നായിരുന്നു സുന്ദരം പിള്ളയുടെ അവകാശ വാദം..വെറുതെ വാദം ഉന്നയിച്ചാല്‍ പോരാ, തെളിവുകള്‍ നല്‍കണം എന്ന് ജര്‍മ്മന്‍ സായിപ്പ് പിള്ളയെ വെല്ലു വിളിച്ചു .അതിനായി പ്രമേഹബാധയാല്‍ വല്ലാതെ കഷ്ടപ്പെട്ടിരുന്ന വേളയില്‍, സുന്ദരന്‍ പിള്ള തയാറാക്കിയ പഠനമാണ് The age of Thirujnana sambandha (Madras Christian College Magazine 1891-Tamilian Antiquary Vo 1.No5/1& 3 The Ten Idyls)
കേരളത്തില്‍ ജനിച്ച മറ്റൊരാള്‍ക്കുപോലും ,ശ്രീ ശങ്കരാചാര്യരെ ഒഴിവാക്കിയാല്‍, നേടാന്‍ കഴിയാത്ത അപൂര്‍വ്വ ബഹുമതി- സ്വന്തം പേരില്‍, അതും അന്യ നാട്ടില്‍, ഒരു സര്‍വ്വകലാശാല .സ്വന്തം പദ്യം അന്യ നാട്ടില്‍ ദേശീയ ഗാനം,നേടിയ സുന്ദരം പിള്ളയുടെ ആ പഠനം ഇന്‍റര്‍നെറ്റ് നോക്കാന്‍ അറിവുള്ള ആര്‍ക്കും ഇന്ന് വായിക്കാം .പി.ഡി എഫ് കോപ്പി എടുക്കാം .പക്ഷെ സൂപ്പര്‍ സോണിക് വ്യോമയാന കാലഘട്ടത്തില്‍ ചരിത്ര ഗവേഷണം നടത്തി “പെരുമാള്‍” പ്രബന്ധം പ്രസിദ്ധീകരിച്ചു ഡോക്ടറല്‍ ബിരുദം നേടിയ എം ജി.എസ്സിന് കാളവണ്ടി യുഗത്തില്‍ കേരള /ദക്ഷിണേന്ത്യന്‍ ചരിത്ര ഗവേഷണം നടത്തി )അദ്ദേഹം ശിലാശാസനങ്ങള്‍ ശേഖരിക്കാന്‍ സഞ്ചരിച്ചിരുന്നത് കാള വണ്ടികളില്‍ ആയിരുന്നു എന്നോര്‍ക്കുക ) സുന്ദരന്‍ പിള്ളയെ അസൂയ കാരണം തമസ്കരിക്കണം .
കേരളത്തിലെ തലമുതിര്‍ന്ന ചരിത്ര പണ്ഡിതന്‍ ശതാഭിഷേകം (എണ്‍പത്തി നാലാം വയസ് ) ആഘോഷിച്ചു കഴിഞ്ഞ ഡോ എം,ജി.എസ്.നാരായണന്‍ തന്‍റെ 512 പേജു വരുന്ന Perumals of Kerala എന്ന ഗവേഷണ പഠന ഗ്രന്ഥത്തില്‍ (പി.എച്ച് .ഡി തീസ്സിസ്), ആ പഠനം നടത്താന്‍ വായിച്ചു നോക്കിയ ഗ്രന്ഥങ്ങള്‍ ,ജേര്‍ണലുകള്‍ ,മറ്റു പ്രസിദ്ധീകരണങ്ങള്‍ എന്നിവയുടെ ലിസ്റ്റ് നല്‍കിയിട്ടുണ്ട് (പുറം 433) Indian Antiquary ,Ceylon Antiquary എന്നിവയുടെ വാള്യങ്ങള്‍ അദ്ദേഹം വായിച്ചതായി രേഖപ്പെടുത്തിയിട്ടുണ്ട് .എന്നാല്‍ വിചിത്രം എന്ന് പറയട്ടെ ,Tamiianl Antiquary ഒറ്റ വാല്യം പോലും അദ്ദേഹം കണ്ടിട്ടില്ല .വായിച്ചിട്ടില്ല .അങ്ങനെ ഒരു ശേഖരം ഉണ്ടെന്ന കാര്യം അദ്ദേഹം ശ്രദ്ധിച്ചു കാണില്ല .സ്വാഭാവികമായും The Tamiian l Antiquary Vol 1No3, Some Mile stones in the history of Tamil Literature ,or The Age of Jnana Sambandha by the late Prof P.Sundaram Pillai MA No5 /iii, The Ten Tamil Idyls by late Prof P.Sundaram Pillai MA എന്നിവ അദ്ദേഹം കണ്ടിട്ടില്ല .വായിച്ചിട്ടുമില്ല.
“കേരളം ചരിത്ര വഴിയിലെ വെളിച്ചങ്ങള്‍”(2017) എന്ന കൃതിയിലെ “ കേരള ചരിത്ര പഠനത്തില്‍ സ്വതന്ത്രമായ ശാസ്ത്രീയ ശ്രമത്തിന്‍റെ ആവശ്യം” എന്ന ലേഖനം (പേജ് 45-52 ) അക്കാര്യം ഒന്നുകൂടി സ്ഥാപിയ്ക്കുന്നു .”ഇന്ത്യന്‍ ആന്റി ക്വാറി ,എപ്പികാപ്പിയാ ഇണ്ടിക്കാ ,ആന്വല്‍ റിപ്പോര്‍ട്ട് ഓഫ് എപ്പിഗ്രാഫിക് ,സൌത്ത് ഇന്ത്യന്‍ ഇന്സ്ക്രിപ്ഷന്‍സ് ,ട്രാവന്കോര്‍ ആര്‍ക്കിയോളജിക്കല്‍ സീരീസ് ,രാമവര്‍മ്മ റിസേര്‍ച് ഇന്‍സ്ടിട്യൂട്ട് ബുള്ളറ്റിന്‍ ,ടി കെ ജോസഫിന്‍റെ കേരള സോസ്സൈറ്റി പേപ്പേ ര്സ് ഇവയൊക്കെ വായിച്ച, ചരിത്ര ഗവേഷക സിംഹം , ഡോക്ടര്‍ എം.ജി.എസ് പക്ഷെ The Tamilian Antiquary വാള്യങ്ങള്‍ പരാമര്‍ശിക്കുന്നില്ല അതിനാല്‍ .വായിച്ചിട്ടുമില്ല . കണ്ടിട്ടുമില്ല. അതുകൊണ്ടാണ് സുന്ദരന്‍ പിള്ളയുടെ പ്രബന്ധങ്ങള്‍ വായിക്കാന്‍ വിട്ടു പോയത് .പക്ഷെ ഇന്ന് സ്കൂള്‍ വിദ്യഭ്യാസം മാത്രം കിട്ടിയ ഏതൊരു സാധാരണവ്യക്തിക്കും എന്തിനു കുട്ടികള്‍ക്ക് പോലും ആ പ്രബ്ന്ധങ്ങള്‍ നെറ്റില്‍ നിന്ന് ഡൌന്‍ ലോട് ചെയ്തു കോപ്പിയെടുത്ത് വായിക്കാം .എം ജി.എസ്സിന്‍റെ അറില്ലായ്മയില്‍ കുറ്റപ്പെടുത്താം ; കളിയാക്കാം .ആധുനിക ശാസ്ത്ര പുരോഗതി കൈവരിച്ച നേട്ടം .പേജ് 46 ല്‍ ഡോ എം ജി.എസ് ഇങ്ങനെ എഴുതി “പത്തൊന്‍പതാം നൂറ്റാണ്ടില്‍ പോലും പാച്ചു മൂത്തതിനെ പോലുള്ള നാടന്‍ പണ്ഡിതന്മാര്‍ പഴംപുരാനങ്ങള്‍ ആവര്‍ത്തിക്ക മാത്രമാണ് ചെയ്തത്” വിടുവായന നടത്തിയ മുതിര്‍ന്ന കേരള ചരിത്ര പണ്ഡിതന്‍ തുടരുന്നു ;“കേരള ചരിത്ര നിര്‍മ്മിതിയ്ക്കാവശ്യമായ സാങ്കേതിക ജ്ഞാനം പുരാവസ്തു –പുരാലേ ഖ്യ –സാഹിത്യ രംഗങ്ങളില്‍ അന്ന് സജ്ഞമായിക്കഴിഞ്ഞിരുന്നില്ല ...വിദേശ സഞ്ചാരികളുടെ കുറിപ്പുകളാണ് മുഖ്യാലംബമായി അംഗീകരിക്കപ്പെട്ടിരുന്നത്” .
ഡോ .എം ജി.എസ് നാരായണന്‍ പി.സുന്ദരന്‍ പിള്ളയുടെ Some Early Sovereigns of Travancore (1894 ) മുഴുവനായി കണ്ടിട്ടുണ്ടോ, വായിച്ചിട്ടുണ്ടോ എന്ന് നമുക്കറിഞ്ഞു കൂടാ .എന്നാല്‍ ആ പ്രബന്ധത്തിലെ ഒരു വാചകം Perumalas of Kerala യില്‍ ഉദ്ധരിക്കപ്പെട്ടിട്ടുണ്ട് “Copper grants ,being mostly private property of individuals or corporations ,have always the chance of turning out forgeries in favour of vested interest.സ്വര്‍ണ്ണ ലിപികളില്‍ എഴുതപ്പെടെണ്ട വാക്യം .തലമുതിര്‍ന്ന കേരള ചരിത്ര പണ്ഡിതന്‍ മനസ്സിലാക്കാതെ പോയ ചരിത്ര സത്യം Cultural Symbiosis എന്ന പഠനം, Perumals of Kerala യുടെ മുഖ ചിത്രം എന്നിവയ്ക്കാധാരമാക്കിയ തരിസാപ്പള്ളി പട്ടയത്തിലെ (അയ്യന്‍ അടികള്‍,വേല്‍ കുല സുന്ദരന്‍ - സി.ഇ 849) അവസാന ഓല എന്ന് മിക്കവരും പറയുന്ന പഷിമേഷ്യന്‍ ലിപികളില്‍ ഉള്ള ചെമ്പോല വ്യാജന്‍ എന്ന് ഡോ .എം ജി.എസ്സിന് മനസിലാക്കാന്‍ കഴിയാതെ പോയി എന്നത് ലങ്ജാകാരം തന്നെ .അത് വേണാട്ടരചന്‍ അയ്യനടികള്‍ക്ക് വേണ്ടി നിര്‍മ്മിക്കപ്പെട്ടതല്ല എന്നറിയണമെങ്കില്‍ Anquetil Du Peron Zend Avesta (Paris 1771)https://en.wikipedia.org/…/Abraham_Hyacinthe_Anquetil-Duper… എന്ന പ്രഞ്ച് കൃതി വായിക്കണം .ഡോ .എം ജി.എസ് ആ കൃതിയും കണ്ടിട്ടില്ല .വായിച്ചിട്ടില്ല. എന്തൊരു നാണക്കേട് .
1855-1897 കാലത്ത് ജീവിച്ചിരുന്ന മനോന്മണീ യം സുന്ദരന്‍ പിള്ള, അദ്ദേഹത്തിന്‍റെ ആഗോള പ്രസിദ്ധ ചരിത്ര ഗവേഷണ പ്രബന്ധങ്ങള്‍ എന്നിവയെ ഡോ .എം ജി എസ് വീണ്ടും തമ്സകരിച്ചത് കണ്ടാല്‍ ചരിത്ര ബോധമുള്ള ഏതൊരു മലയാളിയാണ് ക്ഷമിക്കുക ?
“ചരിത്രം വ്യവഹാരം കേരളവും ഭാരതവും” എന്ന തന്‍റെ കൃതിയില്‍, രാജന്‍ ഗുരുക്കള്‍, രാഘവ വാര്യര്‍ എന്നിവര്‍ ചേര്‍ന്നെഴുതിയ “കേരള ചരിത്രം” (രണ്ടു ഭാഗങ്ങള്‍) നിരൂപണം ചെയ്യവേ, “അത്രയൊന്നും പറയാന്‍ ഇല്ലാത്ത മനോന്മണീയം സുന്ദരന്‍ പിള്ള” യ്ക്ക് കേരള ചരിത്ര രചനകളെ കുറിച്ച് പറയുമ്പോള്‍, അര പേജു വരുന്ന മുക്കാല്‍ പാരഗ്രാഫ് (ബാക്കി വൈക്കം പാച്ചു മൂത്തതിനും ) നല്‍കിയതിനു എം ജി.എസ് രൈദ്ര ഭാവം പൂണ്ട് ഇളകി ആടിയത് നമുക്ക് വായിക്കാം .”പത്ത് കേരള കള്ളക്കഥകള്‍” എന്ന പഠനത്തില്‍ ദക്ഷിണേന്ത്യന്‍ ചരിത്ര രചന തുടങ്ങിയത് 1956 –ല്‍ എന്ന പമ്പര വിഡ്ഢിത്തരം എഴുതി വച്ചു ആ ചരിത്ര പണ്ഡിതന്‍ .അത് ജന്മ ഭൂമി ഓണപ്പതിപ്പിലും(2017) ആവര്‍ത്തിച്ചു .മാധ്യമം ആത്മകഥയിലും .
കേരള ചരിത്രം ദ്രാവിഡ ചരിത്രത്തിന്‍റെ ഭാഗം ആണെന്നും മലയാളം തമിഴ്പുത്രി ആണെന്നും കേരള ചരിത്രം, ദക്ഷിണേന്ത്യന്‍ ചരിത്രം എന്നിവയുടെ ശാസ്ത്രീയ പഠനം ആരംഭിച്ചത് അകാലത്തില്‍ അന്തരിച്ച പ്രൊഫ .സുന്ദരം പിള്ള ആണെന്നും അറിയാതെ പോയത് The Tamil Antiquary കാണാതെ പോയത് കാരണമാണ് .ഇനിയെങ്കിലും ഡോ.എം ജി.എസ് അവ ഒരു തവണ വായിക്കണം .അവ ഇപ്പോള്‍ നെറ്റില്‍ സൌജന്യമായി കിട്ടും
മദ്രാസ് ക്രിസ്ത്യന്‍ കോളേജ് മാഗസിനില്‍ (1891) ആണ് തിരുജ്ഞാന സംബന്ധരെ കുറിച്ചുള്ള സുന്ദരം പിള്ളയുടെ ലേഖനം ആദ്യം അച്ചടിച്ചു വന്നത് It brings sunshine to our hearts and dispels moonshine from our brains എന്നാണു കെ.ജി.ശേഷ അയ്യര്‍ എന്ന അക്കാലത്തെ ഇമ്മിണി വല്യ ചരിത്ര പണ്ഡിതന്‍ .19-02 1909 ല്‍, Tamil Tamil Antiquary 1909 vol1 No 3 യില്‍ അത് പുനപ്രസിദ്ധീകരിച്ചപ്പോള്‍ ആമുഖം ആയി എഴുതിയത് എന്നത് എം ജി.എസ് അറിഞ്ഞിട്ടില്ല
2007 മാര്‍ച്ചില്‍ കേരള ഭാഷാ ഇന്‍സ്റിറ്റ്യൂട്ട് പുറത്തിറക്കിയ ഡോ .പുതുശ്ശേരി രാമചന്ദ്രന്‍ തയാറാക്കിയ കേരള ചരിത്രത്തിന്‍റെ അടിസ്ഥാന രേഖകള്‍ എന്ന പുസ്തകത്തെ “കറയറ്റ ഗവേശണ ചോരണം “എന്ന പേരില്‍ ഡോ .എം ജി.എസ് വിമര്‍ശിക്കുന്നു (പുറം 108-109)ഈ ലേഖനത്തിലും തിരുവിതാം കൂര്‍ ആര്‍ക്കിയോളജി വിഭാഗം സ്ഥാപക മേധാവി പെരുമാള്‍ സുന്ദരം പിള്ളയെ എം ജി.എസ് തമസ്കരിക്കുന്നു .പുറം 1ഒന്ന് മുതല്‍ പുറം420 വരെ 209 പുരാലിഖിതങ്ങള്‍ ഡോ പുതുശ്ശേരി അതില്‍ ഉള്‍ക്കൊള്ളിച്ചു എന്ന് എം .ജി.എസ് .അവയില്‍ ഒന്ന് പോലും സുന്ദരന്‍ പിള്ള കണ്ടെത്തിയതായി എം ജി.എസ്സോ പുതുശ്ശേരിയോ രേഖ പ്പെടുത്തിയിട്ടില്ല എന്നത് ശരി .കാരണം അവര്‍ ഇരുവരും സുന്ദരന്‍ പിള്ളയുടെ പ്രബന്ധങ്ങള്‍ വായിച്ചിട്ടില്ല .സുദീര്‍ഖ മായ അവതാരികയില്‍ കെ.വി രങ്ക സ്വാമി എഴുതി “After he had thus garnered a sheaf of about fifty inscriptions ,he found a forum in three meetings which the Public Lecture Committee arranged for an expositinonof hi sreseches (page viii)….. The long and luminous paragraph (p58) celebrating the wisdom of the arrangements disclosed by Manalikkarai Inscriptions ME 410 which Sundaram Pillaiacclaims as “one of the great charters of Travancore “ and the equitable adjustment of the burden of of a land tax possessing the qualities of fixity and certainty ,to the benefit of Government and the subject ,reads like an expert from Adam Smith or J.S Mill
സുന്ദരം പിള്ള കണ്ടെടുത്ത് വായിച്ച പുരാരേഖകള്‍ ആണ് പില്‍ക്കാലത്ത് ഗോപിനാഥ റാവു, പുതുശ്ശേരി, ശങ്കര നാരായണന്‍ എന്നിവര്‍ സ്വന്തം കണ്ടെത്തല്‍ എന്ന നിലയില്‍ സുന്ദരം പിള്ളയുടെ പേര്‍ പരാമര്‍ശിക്കാതെ പ്രസിദ്ധീകരിച്ചത് എന്നതും വിചിത്രം .പുതുശ്ശേരി കാട്ടിയ തെറ്റ് എം ജി.എസ്സും ചെയ്തു .തമസ്കരിക്കപ്പെട്ടത് “കാളവണ്ടി” യാത്രക്കാരന്‍ സുന്ദരം പിള്ളയും
അധിക വായനയ്ക്ക്
1 Sundaram Pillai,P.Some Early Sovereigns of Travancore 1894 2nd Edn 1943 (by P.S.Natarja Pillai)
2. Sundaram Pillai.PThe Age of Sambandha –Madras Christian College Magazine 1891 The Tamilian Antiquary 1909& 1986
3. Sundaram Pillai,P The Ten Tamil Idyls The Tamilian Antiquary Vol 1.No5/111 1909
4 .Sadasivan K, Prof .Sundaram Pillai’s Immortalization of Real Characters in the Dramaturgy institute of Historical Reserch Souvenir 1997 Culcutta
5Manonamneeyam (Malayalam Translation by )Kerala University Publications
https://en.wikipedia.org/…/Abraham_Hyacinthe_Anquetil-Duper…
http://www.manoramaonline.com/…/kerala-independence-chembak…
http://www.kesariweekly.com/article/842

“തമസ്കരണ വീരന്‍” എം ജി.എസ് നാരായണന്‍


“തമസ്കരണ വീരന്‍” എം ജി.എസ് നാരായണന്‍
 സാഹിത്യ പ്രവര്‍ത്തക സംഘം 2017 ജൂലായില്‍ പ്രസിദ്ധീകരിച്ച കേരളം ചരിത്ര വഴിയിലെ വെളിച്ചങ്ങള്‍” എന്ന കൃതിയാണ് ഡോ .എം ജി എസ് നാരായണന്‍റെ ഏറ്റവും അവസാനം പുറത്തിറങ്ങിയ ചരിത്ര പഠന ഗ്രന്ഥം ആദ്യ ഭാഗം പന്ത്രണ്ടു ലേഖനങ്ങള്‍ .രണ്ടാം ഭാഗം എട്ടു സ്മരണകള്‍ .മൊത്തം112 പേജുകള്‍ .വില 110 രൂപാ മാത്രം 

എം.ജി.എസ്സിന്‍റെ ചരിത്ര ലേഖനങ്ങളിലെ പതിവ് ന്യൂനതകള്‍ ഈ ലേഖന സമാഹാരത്തിലും കാണാം. തമസ്കരണങ്ങള്‍, തെറ്റുകള്‍ ,മലബാര്‍ ചരിത്രകാരന്മാര്‍ക്ക്‌ തിരുവിതാംകൂര്‍ ചരിത്രത്തില്‍ ഉള്ള അജ്ഞത വെളിവാക്കുന്ന പ്രസ്താവനകള്‍ എല്ലാം ഈ ലേഖനസമാഹാരത്തിലും ഇഷ്ടം പോലെ കാണപ്പെടുന്നു .
“ശാസ്ത്രീയ കേരള ചരിത്ര പിതാവ്” എന്ന് സ്വന്തം ശിഷ്യന്‍ ടി .ആര്‍ വേണുഗോപാലനെ കൊണ്ട് വിളംബരം ചെയ്യിക്കുന്ന  ഡോ .എം ജി.എസ് നാരായണന്‍ (കേസരി വാരിക എം.ജി.എസ് ശതാഭിഷേക പതിപ്പ്  2017 ജനുവരി  20   ''ചരിത്രത്തോടോപ്പം സഞ്ചരിച്ച ഒരാള്‍'' എം.ജി.എസ് നാരായണന്‍റെ   ശതാഭിഷേക   (20 ആഗസ്റ്റ്— 2016)  -ത്തിനോടനുബന്ധിച്ചു തയ്യാറാക്കിയ മൂന്നു പഠനങ്ങള്‍. 'ചരിത്രരംഗത്തെ അതിനാഥന്‍'(പ്രൊഫ. പി.കെ മൈക്കിള്‍ തരകന്‍), ''ഏതു പക്ഷത്തിനും മറുപക്ഷമായ എം.ജി.എസ്'' (രാജന്‍ ഗുരുക്കള്‍ ), ''മൗലികതയുടെ പെരുമാള്‍'' (പ്രൊഫ. ടി.ആര്‍ വേണുഗോപാല്‍) ) നിരവധി സന്ദര്‍ഭങ്ങളില്‍, ആ സ്ഥാനം ശരിയ്ക്കും അര്‍ഹിക്കുന്ന മനോന്മണീയം പെരുമാള്‍ സുന്ദരന്‍ പിള്ളയെ തമസ്കരിക്കുന്നതായി കാണാം .മാധ്യമം വാരികയില്‍ വന്ന ആത്മകഥ ,കേരള ചരിത്രത്തിലെ 10 കള്ളക്കഥകള്‍, ജന്മഭൂമി ഓണം വിശേഷാല്‍ പതിപ്പ് 2017 (നാലുവാല്യങ്ങളില്‍ , “അവിട്ടം” വാല്യത്തിലെ  “ചരിത്രം നിഷ്പക്ഷമല്ല
പുറം 33മുതല്‍ 64 വരെ .) ലെ സുദീര്‍ഘമായ അഭിമുഖം എന്നിവയില്‍ മാത്രമല്ല, ഈ അവസാന കൃതിയിലും ആ തമസ്കരണം തുടരുന്നു

കേരളത്തിലെ ആലപ്പുഴയില്‍ ജനിച്ച മനോന്മണീയം സുന്ദരന്‍ പിള്ള എന്തുകൊണ്ടാണ് “ദക്ഷിണേന്ത്യന്‍ ചരിത്ര പിതാവ്” ,”കേരള ചരിത്ര പിതാവ്” എന്നെല്ലാം അറിയപ്പെടുന്നത് ? എന്തുകൊണ്ടാണ് കരുണാനിധി സര്‍ക്കാര്‍ സുന്ദരംപിള്ളയുടെ പൂര്‍വ്വികരുടെ നാടായ തിരുനെല്‍വേലി യില്‍, മനോന്മണീയം സുന്ദരനാര്‍ (എം.എസ് )എന്ന പേരില്‍ ഒരു സര്‍വ്വ കലാശാല സ്ഥാപിച്ചത് ?എന്തുകൊണ്ടാണ് സുന്ദരന്‍ പിള്ള തന്‍റെ മനോന്മണീ യം നാ ടകത്തിനായി (1892)എഴുതിയ അവതരണ ഗാനം തമിഴ് നാട്ടിലെ ദേശീയഗാനം(തമിഴ് വാഴ്ത്ത്- ജൂണ്‍ 1970) ആയി അം ഗീ കരിക്കപ്പെട്ടത്?
മുകളില്‍ കൊടുത്ത ചോദ്യങ്ങള്‍ക്ക് ഒറ്റ ഉത്തരം ആണുള്ളത്.പെരുമാള്‍ സുന്ദരം  പിള്ള തയാറാക്കിയ The age of Thirujnana sambandha 1891 എന്ന പ്രൌഡഗംഭീരമായ ഗവേഷണ പഠന പ്രബന്ധം  .”പത്ത് പാട്ട്”
(The Tamil Idylls) എന്ന പേരില്‍ സുന്ദരന്‍ പിള്ള തയാറാക്കിയ പഠനത്തെ അവലോകനം ചെയ്യവേ E Hultzch എന്ന പണ്ഡിതന്‍ (Eugen Julius Theodor Hultzsch (29 March 1857 - 16 January 1927) was a German Indologist and epigraphist who is known for his work in deciphering the inscriptions of Ashoka.) സുന്ദരന്‍ പിള്ളയെ ഒന്ന് പ്രകോപിപ്പിച്ചു .തിരുജ്ഞാനസംബന്ധരുടെ ജീവിതകാലം കാള്‍ഡ വെല്‍ (Bishop Robert Caldwell (7 May 1814 – 28 August 1891) ) പറയുന്നതിലും ഏറെ മുന്‍പാണ് എന്നായിരുന്നു സുന്ദരം പിള്ളയുടെ അവകാശ വാദം..വെറുതെ വാദം ഉന്നയിച്ചാല്‍ പോരാ, തെളിവുകള്‍ നല്‍കണം എന്ന് ജര്‍മ്മന്‍ സായിപ്പ് പിള്ളയെ വെല്ലു വിളിച്ചു .അതിനായി പ്രമേഹബാധയാല്‍ വല്ലാതെ കഷ്ടപ്പെട്ടിരുന്ന വേളയില്‍, സുന്ദരന്‍ പിള്ള തയാറാക്കിയ പഠനമാണ് The age of Thirujnana sambandha (Madras Christian College Magazine 1891-Tamilian Antiquary Vo 1.No5/1& 3 The Ten Idyls)
കേരളത്തില്‍  ജനിച്ച മറ്റൊരാള്‍ക്കുപോലും ,ശ്രീ ശങ്കരാചാര്യരെ ഒഴിവാക്കിയാല്‍,  നേടാന്‍ കഴിയാത്ത അപൂര്‍വ്വ ബഹുമതി- സ്വന്തം പേരില്‍, അതും അന്യ നാട്ടില്‍, ഒരു സര്‍വ്വകലാശാല .സ്വന്തം പദ്യം അന്യ നാട്ടില്‍ ദേശീയ ഗാനം,നേടിയ സുന്ദരം പിള്ളയുടെ ആ പഠനം ഇന്‍റര്‍നെറ്റ് നോക്കാന്‍ അറിവുള്ള ആര്‍ക്കും  ഇന്ന്  വായിക്കാം .പി.ഡി എഫ് കോപ്പി എടുക്കാം .പക്ഷെ സൂപ്പര്‍ സോണിക് വ്യോമയാന കാലഘട്ടത്തില്‍ ചരിത്ര ഗവേഷണം നടത്തി “പെരുമാള്‍” പ്രബന്ധം പ്രസിദ്ധീകരിച്ചു ഡോക്ടറല്‍ ബിരുദം നേടിയ എം ജി.എസ്സിന് കാളവണ്ടി യുഗത്തില്‍ കേരള /ദക്ഷിണേന്ത്യന്‍ ചരിത്ര ഗവേഷണം നടത്തി )അദ്ദേഹം ശിലാശാസനങ്ങള്‍ ശേഖരിക്കാന്‍ സഞ്ചരിച്ചിരുന്നത് കാള വണ്ടികളില്‍ ആയിരുന്നു എന്നോര്‍ക്കുക ) സുന്ദരന്‍ പിള്ളയെ അസൂയ കാരണം തമസ്കരിക്കണം .
കേരളത്തിലെ തലമുതിര്‍ന്ന ചരിത്ര പണ്ഡിതന്‍ ശതാഭിഷേകം (എണ്‍പത്തി നാലാം വയസ് ) ആഘോഷിച്ചു കഴിഞ്ഞ ഡോ എം,ജി.എസ്.നാരായണന്‍ തന്‍റെ 512  പേജു വരുന്ന Perumals of Kerala എന്ന ഗവേഷണ പഠന ഗ്രന്ഥത്തില്‍ (പി.എച്ച് .ഡി തീസ്സിസ്), ആ പഠനം നടത്താന്‍ വായിച്ചു നോക്കിയ ഗ്രന്ഥങ്ങള്‍ ,ജേര്‍ണലുകള്‍ ,മറ്റു പ്രസിദ്ധീകരണങ്ങള്‍ എന്നിവയുടെ ലിസ്റ്റ് നല്‍കിയിട്ടുണ്ട് (പുറം 433) Indian Antiquary ,Ceylon Antiquary എന്നിവയുടെ വാള്യങ്ങള്‍ അദ്ദേഹം വായിച്ചതായി  രേഖപ്പെടുത്തിയിട്ടുണ്ട് .എന്നാല്‍ വിചിത്രം എന്ന് പറയട്ടെ ,Tamiianl Antiquary ഒറ്റ വാല്യം പോലും അദ്ദേഹം കണ്ടിട്ടില്ല .വായിച്ചിട്ടില്ല .അങ്ങനെ ഒരു ശേഖരം ഉണ്ടെന്ന കാര്യം അദ്ദേഹം ശ്രദ്ധിച്ചു കാണില്ല .സ്വാഭാവികമായും The Tamiian l Antiquary Vol 1No3, Some Mile stones in the history of Tamil Literature ,or The Age of Jnana Sambandha by the late Prof P.Sundaram Pillai MA No5 /iii, The Ten Tamil Idyls by late Prof P.Sundaram Pillai MA എന്നിവ അദ്ദേഹം കണ്ടിട്ടില്ല .വായിച്ചിട്ടുമില്ല.
കേരളം ചരിത്ര വഴിയിലെ വെളിച്ചങ്ങള്‍”(2017) എന്ന കൃതിയിലെ   “ കേരള ചരിത്ര പഠനത്തില്‍ സ്വതന്ത്രമായ ശാസ്ത്രീയ ശ്രമത്തിന്‍റെ ആവശ്യം”    എന്ന ലേഖനം (പേജ് 45-52 ) അക്കാര്യം ഒന്നുകൂടി സ്ഥാപിയ്ക്കുന്നു .ഇന്ത്യന്‍ ആന്റി ക്വാറി ,എപ്പികാപ്പിയാ ഇണ്ടിക്കാ ,ആന്വല്‍ റിപ്പോര്‍ട്ട് ഓഫ് എപ്പിഗ്രാഫിക് ,സൌത്ത് ഇന്ത്യന്‍ ഇന്സ്ക്രിപ്ഷന്‍സ് ,ട്രാവന്കോര്‍ ആര്‍ക്കിയോളജിക്കല്‍ സീരീസ് ,രാമവര്‍മ്മ റിസേര്‍ച് ഇന്‍സ്ടിട്യൂട്ട് ബുള്ളറ്റിന്‍ ,ടി കെ ജോസഫിന്‍റെ കേരള സോസ്സൈറ്റി  പേപ്പേ ര്സ് ഇവയൊക്കെ വായിച്ച, ചരിത്ര ഗവേഷക സിംഹം , ഡോക്ടര്‍ എം.ജി.എസ് പക്ഷെ The Tamilian Antiquary വാള്യങ്ങള്‍ പരാമര്‍ശിക്കുന്നില്ല അതിനാല്‍  .വായിച്ചിട്ടുമില്ല . കണ്ടിട്ടുമില്ല. അതുകൊണ്ടാണ് സുന്ദരന്‍ പിള്ളയുടെ പ്രബന്ധങ്ങള്‍ വായിക്കാന്‍ വിട്ടു പോയത് .പക്ഷെ ഇന്ന് സ്കൂള്‍ വിദ്യഭ്യാസം മാത്രം കിട്ടിയ ഏതൊരു സാധാരണവ്യക്തിക്കും എന്തിനു കുട്ടികള്‍ക്ക് പോലും  ആ പ്രബ്ന്ധങ്ങള്‍ നെറ്റില്‍ നിന്ന് ഡൌന്‍ ലോട് ചെയ്തു കോപ്പിയെടുത്ത് വായിക്കാം .എം ജി.എസ്സിന്‍റെ അറില്ലായ്മയില്‍ കുറ്റപ്പെടുത്താം ; കളിയാക്കാം .ആധുനിക ശാസ്ത്ര പുരോഗതി കൈവരിച്ച നേട്ടം .പേജ് 46 ല്‍  ഡോ എം ജി.എസ് ഇങ്ങനെ എഴുതി “പത്തൊന്‍പതാം നൂറ്റാണ്ടില്‍ പോലും പാച്ചു മൂത്തതിനെ പോലുള്ള നാടന്‍ പണ്ഡിതന്മാര്‍ പഴംപുരാനങ്ങള്‍  ആവര്‍ത്തിക്ക മാത്രമാണ് ചെയ്തത്”  വിടുവായന നടത്തിയ  മുതിര്‍ന്ന കേരള ചരിത്ര പണ്ഡിതന്‍ തുടരുന്നു ;“കേരള ചരിത്ര നിര്‍മ്മിതിയ്ക്കാവശ്യമായ സാങ്കേതിക ജ്ഞാനം പുരാവസ്തു –പുരാലേ ഖ്യ –സാഹിത്യ രംഗങ്ങളില്‍ അന്ന് സജ്ഞമായിക്കഴിഞ്ഞിരുന്നില്ല ...വിദേശ  സഞ്ചാരികളുടെ കുറിപ്പുകളാണ് മുഖ്യാലംബമായി അംഗീകരിക്കപ്പെട്ടിരുന്നത്” .
ഡോ .എം ജി.എസ് നാരായണന്‍ പി.സുന്ദരന്‍ പിള്ളയുടെ Some Early Sovereigns of Travancore (1894 ) മുഴുവനായി കണ്ടിട്ടുണ്ടോ, വായിച്ചിട്ടുണ്ടോ എന്ന് നമുക്കറിഞ്ഞു കൂടാ .എന്നാല്‍ ആ പ്രബന്ധത്തിലെ ഒരു വാചകം Perumalas of Kerala യില്‍ ഉദ്ധരിക്കപ്പെട്ടിട്ടുണ്ട് “Copper grants ,being mostly private property of individuals or corporations ,have always the chance of turning out forgeries in favour of vested interest.സ്വര്‍ണ്ണ ലിപികളില്‍ എഴുതപ്പെടെണ്ട വാക്യം .തലമുതിര്‍ന്ന കേരള ചരിത്ര പണ്ഡിതന്‍ മനസ്സിലാക്കാതെ പോയ ചരിത്ര സത്യം Cultural  Symbiosis എന്ന പഠനം, Perumals of Kerala യുടെ മുഖ ചിത്രം എന്നിവയ്ക്കാധാരമാക്കിയ തരിസാപ്പള്ളി പട്ടയത്തിലെ (അയ്യന്‍ അടികള്‍,വേല്‍ കുല സുന്ദരന്‍ - സി.ഇ 849) അവസാന ഓല എന്ന് മിക്കവരും പറയുന്ന പഷിമേഷ്യന്‍ ലിപികളില്‍ ഉള്ള ചെമ്പോല വ്യാജന്‍ എന്ന് ഡോ .എം ജി.എസ്സിന് മനസിലാക്കാന്‍ കഴിയാതെ പോയി എന്നത് ലങ്ജാകാരം തന്നെ .അത് വേണാട്ടരചന്‍ അയ്യനടികള്‍ക്ക് വേണ്ടി നിര്‍മ്മിക്കപ്പെട്ടതല്ല എന്നറിയണമെങ്കില്‍ Anquetil Du Peron Zend  Avesta (Paris 1771) https://en.wikipedia.org/wiki/Abraham_Hyacinthe_Anquetil-Duperron എന്ന പ്രഞ്ച് കൃതി വായിക്കണം .ഡോ .എം ജി.എസ് ആ കൃതിയും കണ്ടിട്ടില്ല .വായിച്ചിട്ടില്ല. എന്തൊരു നാണക്കേട് .
1855-1897 കാലത്ത് ജീവിച്ചിരുന്ന മനോന്മണീ യം സുന്ദരന്‍ പിള്ള, അദ്ദേഹത്തിന്‍റെ  ആഗോള  പ്രസിദ്ധ ചരിത്ര ഗവേഷണ പ്രബന്ധങ്ങള്‍ എന്നിവയെ ഡോ .എം ജി എസ് വീണ്ടും തമ്സകരിച്ചത് കണ്ടാല്‍ ചരിത്ര ബോധമുള്ള ഏതൊരു മലയാളിയാണ് ക്ഷമിക്കുക ?
 “ചരിത്രം വ്യവഹാരം കേരളവും ഭാരതവും”  എന്ന തന്‍റെ കൃതിയില്‍, രാജന്‍ ഗുരുക്കള്‍, രാഘവ വാര്യര്‍ എന്നിവര്‍ ചേര്‍ന്നെഴുതിയ “കേരള ചരിത്രം” (രണ്ടു ഭാഗങ്ങള്‍) നിരൂപണം ചെയ്യവേ, “അത്രയൊന്നും പറയാന്‍ ഇല്ലാത്ത മനോന്മണീയം സുന്ദരന്‍ പിള്ള” യ്ക്ക് കേരള ചരിത്ര രചനകളെ കുറിച്ച് പറയുമ്പോള്‍, അര പേജു വരുന്ന മുക്കാല്‍ പാരഗ്രാഫ് (ബാക്കി വൈക്കം പാച്ചു മൂത്തതിനും ) നല്‍കിയതിനു എം ജി.എസ് രൈദ്ര ഭാവം പൂണ്ട് ഇളകി ആടിയത് നമുക്ക് വായിക്കാം .”പത്ത് കേരള കള്ളക്കഥകള്‍” എന്ന പഠനത്തില്‍ ദക്ഷിണേന്ത്യന്‍ ചരിത്ര രചന തുടങ്ങിയത് 1956 –ല്‍ എന്ന പമ്പര വിഡ്ഢിത്തരം എഴുതി വച്ചു ആ ചരിത്ര പണ്ഡിതന്‍  .അത് ജന്മ ഭൂമി ഓണപ്പതിപ്പിലും(2017) ആവര്‍ത്തിച്ചു .മാധ്യമം ആത്മകഥയിലും .
കേരള ചരിത്രം ദ്രാവിഡ ചരിത്രത്തിന്‍റെ  ഭാഗം ആണെന്നും മലയാളം തമിഴ്പുത്രി ആണെന്നും കേരള ചരിത്രം, ദക്ഷിണേന്ത്യന്‍ ചരിത്രം എന്നിവയുടെ ശാസ്ത്രീയ പഠനം ആരംഭിച്ചത് അകാലത്തില്‍ അന്തരിച്ച പ്രൊഫ .സുന്ദരം പിള്ള ആണെന്നും അറിയാതെ പോയത് The Tamil Antiquary കാണാതെ പോയത് കാരണമാണ് .ഇനിയെങ്കിലും ഡോ.എം ജി.എസ് അവ ഒരു തവണ വായിക്കണം .അവ ഇപ്പോള്‍ നെറ്റില്‍ സൌജന്യമായി കിട്ടും
മദ്രാസ് ക്രിസ്ത്യന്‍ കോളേജ് മാഗസിനില്‍ (1891) ആണ് തിരുജ്ഞാന സംബന്ധരെ കുറിച്ചുള്ള സുന്ദരം പിള്ളയുടെ ലേഖനം ആദ്യം അച്ചടിച്ചു വന്നത് It brings  sunshine to our hearts and dispels moonshine from our brains എന്നാണു കെ.ജി.ശേഷ അയ്യര്‍ എന്ന അക്കാലത്തെ ഇമ്മിണി വല്യ ചരിത്ര പണ്ഡിതന്‍ .19-02 1909 ല്‍,  Tamil Tamil Antiquary 1909 vol1 No 3 യില്‍ അത് പുനപ്രസിദ്ധീകരിച്ചപ്പോള്‍ ആമുഖം ആയി എഴുതിയത് എന്നത് എം ജി.എസ് അറിഞ്ഞിട്ടില്ല
2007  മാര്‍ച്ചില്‍ കേരള ഭാഷാ ഇന്‍സ്റിറ്റ്യൂട്ട് പുറത്തിറക്കിയ ഡോ .പുതുശ്ശേരി രാമചന്ദ്രന്‍ തയാറാക്കിയ കേരള ചരിത്രത്തിന്‍റെ അടിസ്ഥാന രേഖകള്‍ എന്ന പുസ്തകത്തെ “കറയറ്റ ഗവേശണ ചോരണം “എന്ന പേരില്‍ ഡോ .എം ജി.എസ്  വിമര്‍ശിക്കുന്നു (പുറം 108-109)ഈ ലേഖനത്തിലും തിരുവിതാം കൂര്‍ ആര്‍ക്കിയോളജി വിഭാഗം സ്ഥാപക മേധാവി പെരുമാള്‍ സുന്ദരം പിള്ളയെ എം ജി.എസ് തമസ്കരിക്കുന്നു .പുറം 1ഒന്ന് മുതല്‍ പുറം420  വരെ 209  പുരാലിഖിതങ്ങള്‍ ഡോ പുതുശ്ശേരി അതില്‍ ഉള്‍ക്കൊള്ളിച്ചു എന്ന് എം .ജി.എസ് .അവയില്‍ ഒന്ന് പോലും സുന്ദരന്‍ പിള്ള കണ്ടെത്തിയതായി എം ജി.എസ്സോ പുതുശ്ശേരിയോ രേഖ പ്പെടുത്തിയിട്ടില്ല എന്നത് ശരി .കാരണം അവര്‍ ഇരുവരും സുന്ദരന്‍ പിള്ളയുടെ പ്രബന്ധങ്ങള്‍ വായിച്ചിട്ടില്ല .സുദീര്‍ഖ മായ അവതാരികയില്‍ കെ.വി രങ്ക സ്വാമി എഴുതി “After he had thus garnered a sheaf of about fifty inscriptions ,he found a forum in three meetings which the Public Lecture Committee arranged for an expositinonof hi sreseches (page viii)….. The long and luminous paragraph (p58) celebrating the wisdom of the arrangements disclosed by Manalikkarai Inscriptions ME 410 which Sundaram Pillaiacclaims as “one of the great charters of Travancore “ and the equitable adjustment of the burden of of a land tax possessing the qualities of fixity and certainty ,to the benefit of Government and the subject ,reads like an expert from Adam Smith or J.S Mill
സുന്ദരം പിള്ള കണ്ടെടുത്ത് വായിച്ച പുരാരേഖകള്‍ ആണ് പില്‍ക്കാലത്ത് ഗോപിനാഥ റാവു, പുതുശ്ശേരി, ശങ്കര നാരായണന്‍ എന്നിവര്‍ സ്വന്തം കണ്ടെത്തല്‍ എന്ന നിലയില്‍ സുന്ദരം പിള്ളയുടെ പേര്‍ പരാമര്‍ശിക്കാതെ പ്രസിദ്ധീകരിച്ചത് എന്നതും വിചിത്രം .പുതുശ്ശേരി കാട്ടിയ തെറ്റ് എം ജി.എസ്സും ചെയ്തു .തമസ്കരിക്കപ്പെട്ടത് “കാളവണ്ടി” യാത്രക്കാരന്‍  സുന്ദരം പിള്ളയും
അധിക വായനയ്ക്ക്
1 Sundaram Pillai,P.Some Early Sovereigns of Travancore 1894 2nd Edn 1943 (by P.S.Natarja Pillai)
2. Sundaram Pillai.PThe Age of Sambandha –Madras Christian College Magazine 1891 The Tamilian Antiquary 1909& 1986
3.  Sundaram Pillai,P The Ten Tamil Idyls The Tamilian Antiquary Vol 1.No5/111 1909
4.Sadasivan K, Prof .Sundaram Pillai’s Immortalization of Real Characters in the Dramaturgy institute of Historical Reserch Souvenir 1997 Culcutta
5Manonamneeyam (Malayalam Translation by )Kerala University Publications  








Saturday, 13 January 2018

ഒരു ക്രിസ്ത്യന്‍ പാതിരിയും രണ്ട് ഹിന്ദു സന്യാസിമാരും

ഒരു ക്രിസ്ത്യന്‍ പാതിരിയും
രണ്ട് ഹിന്ദു സന്യാസിമാരും
==========================
കേരള നവോത്ഥാനനായകരായി തിരുവനന്തപുരത്തിന്‍റെ
പ്രാന്ത പ്രദേശങ്ങളില്‍ ജനിച്ച മൂന്നുപേരെ ഉയര്‍ത്തി കാട്ടുകയാണ്
സാധാരണ രാഷ്ട്രീയക്കാരും സാഹിത്യകാരന്മാരും ചരിത്രകാരന്മാരും മറ്റും .ചെയ്യുന്നത്.ഡി.വൈ എഫ് ഐ തുടങ്ങിയ രാഷ്ട്രീയ യുവജനപ്രസ്ഥാനങ്ങളും ഈ “അനന്തപുരിത്രയ”ങ്ങളെ ആണ് ഫ്ലക്സ് ബോര്‍ഡുകളില്‍ വരച്ചു കാട്ടുന്നത് . .ജനന വര്‍ഷമനുസരിച്ചു സ്ഥാനം നിര്‍ണ്ണയിച്ചാല്‍, കൊല്ലൂര്‍ ഉള്ളൂര്‍കോട്ട്കാരന്‍ ചട്ടമ്പി സ്വാമികള്‍ (1854-1924 ), ചെമ്പഴന്തിക്കാരന്‍ ശ്രീനാരായണ ഗുരു (1856-1928 ),വെങ്ങാനൂര്‍ക്കാരന്‍ അയ്യങ്കാളി( 1863-1911 ) എന്നിവരാണ്
കേരള നവോത്ഥാന നായകത്രയങ്ങള്‍.
എന്നാല്‍ അവര്‍ക്ക് മുമ്പും അവര്‍ക്ക് ശേഷവും മദ്ധ്യതിരുവിതാകൂറില്‍ ജനിച്ച ചില മഹാന്മാര്‍ കേരള നവോത്ഥാനത്തില്‍ ഗണ്യമായ പങ്കു വഹിച്ചു എന്നതാണ് വാസ്തവം .
അവരില്‍ പ്രായം കൊണ്ട് പ്രാതസ്മരണീയനാണ് പാലാകുന്നേല്‍ എബ്രഹാം മല്‍പ്പാന്‍ (1796-1845 -മാര്‍ത്തോമ്മ സഭാസ്ഥാപകന്‍ 1837/43 )
എഴുത്ത് മാസികയിലെ കൂടിക്കാഴ്ച ലേഖനത്തില്‍ (ചരിത്രം എന്ന പേരില്‍ കെട്ടുകഥകള്‍ ജൂണ്‍ 2017 പുറം 11-16 )രണ്ടാമന്‍ വിശുദ്ധ ചാവറ അച്ഛന്‍
“ജീവിതം തന്നെ സന്ദേശം” (പ്രൊഫ എം.കെ സാനു ആ പേരില്‍ അദ്ദേഹത്തിന്‍റെ ജീവചരിത്രം എഴുതിയിട്ടുണ്ട് ,മനോരമ ബുക്സ് 2014) ആക്കി മാറ്റിയ വിശുദ്ധ ചാവറ അച്ഛന്‍ (1805-1871). കൈനകരി ചാവറ വീട്ടിലെ കുര്യാക്കോസ്, കോട്ടയം തോട്ടയ്ക്കാട്ട് ചോതിരകുന്നേല്‍ വീട്ടില്‍ മറിയം എന്നിവരുടെ ആറാമത്തെ സന്താനം കുര്യാ ക്കോസ് .ഇന്ന് വിശുദ്ധ ചാവറ അച്ചന്‍ എന്നറിയപ്പെടുന്ന ആണ് ആദ്യകാല കേരള നവോത്ഥാന നായകന്‍. .ഈ രണ്ടു നസ്രാണി നവോത്ഥാന നായകരെ കുറിച്ച് മദ്ധ്യതിരുവിതാം കാര്‍ക്ക് അഭിമാനിക്കാം .
ചട്ടമ്പി സ്വാമികളെ പോലുള്ള സമകാലിക /പിന്‍ഗാമികള്‍ക്ക് മാതൃക ആക്കാമായിരുന്ന , നിരവധി സമുദായ പരിഷ്കരണ പരിപാടികള്‍ ആദ്യമായി ആവിഷ്കരിച്ചു വിജയത്തിലെത്തിച്ച, മദ്ധ്യതിരുവിതാം കൂറിലെ സന്യാസി ശ്രേഷ്ടന്‍ ആയിരുന്നു ചാവറ അച്ഛന്‍ എന്ന പാതിരി .
ആദ്യമായി ക്രിസ്ത്യാനികളില്‍ ഒരു തദ്ദേശീയ സന്യാസിസഭ
(സി.എം ഐ-ചര്‍ച്ച് ഓഫ് മേരി ഇമാക്കുലെറ്റ് ) സ്ഥാപിച്ചത് ചാവറ അച്ചന്‍ (1831). അദ്ദേഹമാണ് സ്വകാര്യ ഉടമയില്‍ കേരളത്തില്‍ ആദ്യമായി അച്ചടിശാലയും പ്രസിദ്ധീകരണ കേന്ദ്രവും സ്ഥാപിച്ചത് (മാന്നാനം 1846) . മാസിക ആയി “നസ്രാണി ദീപിക”യും പില്‍ക്കാലത്ത് വാരിക ആയി “ദീപികയും” അതിനുശേഷം അതേ പേരില്‍ ദിനപ്പത്രവും തുടങ്ങി . വായനശാലയും തുടങ്ങി.കേരള നവോത്ഥാന ത്തില്‍ ഇംഗ്ലീഷ് വിദ്യാഭ്യാസം അച്ചടി ,പത്രമാദ്ധ്യമങ്ങള്‍ ഇവ മുഖ്യ പങ്കു വഹിച്ചു .അതില്‍ ഈ പാതിരിക്കുള്ള പങ്ക് വളരെ പ്രാധാന്യം അര്‍ഹിക്കുന്നു .
മുദ്രണ വിദ്യ, ബയന്റിംഗ് ,തയ്യല്‍ എന്നിവയില്‍ അച്ഛന്‍ തൊഴില്‍ പരിശീലന ശാലകള്‍ തുടങ്ങി .ആദ്യത്തെ സംസ്കൃത പാഠശാല തുടങ്ങി (മാന്നാനം 1846) 1885-1856 കാലഘട്ടത്തില്‍ പത്ത് ഇടയ നാടകങ്ങള്‍ (Eclogues ) രചിച്ചു .1862 –ല്‍ മലയാളത്തിലെ ആദ്യ ഖണ്ഡകാവ്യം “(അനസ്താസ്യയുടെ രക്തസാക്ഷിത്വം”) രചിച്ചു .കത്തോലിക്കാ സഭയില്‍ നവീകരണം കൊണ്ടുവന്നു (1882 ) 1864 –ല്‍1868
“പള്ളിക്കൊരു പള്ളിക്കൂടം” എന്ന പരിപാടി നടപ്പിലാക്കി.(ഈ പള്ളിക്കൂടങ്ങള്‍ പക്ഷെ വേദപാഠശാലകള്‍ മാത്രമായിരുന്നു എന്ന് ഡോ മൈക്കിള്‍ തരകന്‍ "എഴുത്ത് " മാസികയിലെ കൂടിക്കാഴ്ച ലേഖനത്തില്‍ (ചരിത്രം എന്ന പേരില്‍ കെട്ടുകഥകള്‍ ജൂണ്‍ 2017 പുറം 11-16 )
ദളിതര്‍ക്കായി അദ്ദേഹം ഒരു സ്കൂള്‍ തുടങ്ങി ( തുരുത്തി മാലി ,ആര്‍പ്പൂക്കര 1865).വിധവകളെ സന്യാസികാരാക്കാന്‍ ധൈര്യം കാട്ടി..പെണ്‍കുട്ടി കള്‍ക്കായി ബോര്‍ഡിംഗ് തുടങ്ങി (1868) .ക്രിസ്തീയ കുടുംബങ്ങള്‍ക്കായി “കുടുംബ ചട്ടം” എഴുതി നല്‍കി (1868). അഗതി മന്ദിരങ്ങള്‍ സ്ഥാപിച്ചു .അവയില്‍ നിന്നാണ് മദര്‍ തെരെസായ്ക്ക് ആശയം കിട്ടിയത് എന്ന് പ്രൊഫ എം.കെ സാനു (പുറം 152) .സഹകരണ സംഘങ്ങള്‍ തുടങ്ങി സ്കൂളുകള്‍ തുടങ്ങാന്‍ ധനശേഖരണത്തിനു “പിടിയരി, കെട്ടു തെങ്ങ്” തുടങ്ങിയ ഉല്‍പ്പന്ന പിരിവു തുടങ്ങി (1864). എം പി.മന്മഥനും എന്‍ എസ് എസ്സിനും ആ ആശയം കിട്ടുന്നത് ചാവറ അച്ചനില്‍ നിന്നും ആയിരിക്കണം
ചാവറ അച്ചന്‍റെ സമകാലികനായിരുന്നു അയ്യപ്പന്‍ പിള്ള @ കുഞ്ഞന്‍ പിള്ള ചട്ടമ്പി(1854-1924) .ചാവറ അച്ചന്‍ മരിക്കുമ്പോള്‍, കുഞ്ഞന്‍ പിള്ളയ്ക്ക് പ്രായം പതിനാറു വയസ് .തീര്‍ച്ചയായും സന്യാസി ആയി മാറിയ കാലത്ത് ചാവറ അച്ചന്‍ ചെയ്തു കാണിച്ച പ്രവര്‍ത്തനങ്ങളില്‍ ചിലത് എങ്കിലും അദ്ദേഹത്തിന് ചെയ്യാമായിരുന്നു .പള്ളിക്കൂടം, ആശ്രമം ,അച്ചടിശാല,,തൊഴില്‍ പരിശീലന കേന്ദ്രം,സഹകരണ സംഘം,സ്ത്രീ വിദ്യാഭ്യാസം,. ദളിതര്‍ക്ക് സ്കൂള്‍,,ബോര്‍ഡിംഗ് ,അഗതി മന്ദിരം .എന്നിങ്ങനെ എത്രയോ കാര്യങ്ങള്‍
ചട്ടമ്പി സ്വാമികള്‍ക്കു ഹിന്ദു സമുദായത്തിന് മൊത്തത്തിലോ നായര്‍ സമുദായത്തിന് മാത്രമായോ ചെയ്യാന്‍ കഴിയുമായിരുന്നു .നല്ലൊരു മാതൃക ആയി ചാവറ അച്ഛന്‍ സ്വാമികളുടെ വിഹാര രംഗമായ മദ്ധ്യ തിരുവിതാം കൂറില്‍ ഉണ്ടായിരുന്നു .
ഇഷ്ടം പോലെ സ്ഥലം ചട്ടമ്പി സ്വാമികള്‍ക്ക് കിട്ടുമായിരുന്നു .ചാവറ അച്ഛനെക്കാള്‍ എത്രയോ അധികം സാദ്ധ്യതകള്‍സ്വാമികള്‍ക്ക് ഉണ്ടായിരുന്നു മലയാറ്റൂര്‍ കോടനാട്ടു 90 ഏക്കര്‍ വന ഭൂമി സൌജന്യമായി കിട്ടി (പറവൂര്‍ ഗോപാല പിള്ള എഴുതിയ ജീവചരിത്രം (1935) കാണുക .അതില്‍ കെട്ടിടങ്ങള്‍ കെട്ടി തരാന്‍ .തച്ചുടയ കൈമ്മള്‍ തയ്യാറായി ധനസഹായത്തിന് ഗൃഹസ്ഥാശ്രമ ശിഷ്യര്‍ നിരവധി .പക്ഷെ സ്വാമികള്‍ പാദപൂജ നടത്തിയ പറവൂര്‍ വടക്കേക്കര കല്ലറയ്ക്കല്‍ അമ്മാളുഅമ്മ എന്ന സ്ത്രീയ്ക്ക് (സ്വാമികള്‍ ഇടയ്ക്കിടെ അവരുടെ ഗൃഹത്തില്‍ പോയി താമസിച്ചിരുന്നു എന്ന് എസ് ബാലന്‍ പിള്ള എഴുതി പ്രഭാത് ബുക്സ് പ്രസിദ്ധീകരിച്ച ബ്രഹ്മശ്രീ ചട്ടമ്പി സ്വാമികള്‍ 2000 പുറം 69 ) ആ സ്ഥലം മുഴുവന്‍ സമാധിയ്ക്ക് മുമ്പായി ഇഷ്ടദാനം ആയി നല്‍കി .
ഇന്നവിടെ എത്രയോ സ്ഥാപനങ്ങള്‍, എന്തിന് ഒരു യൂണിവേര്‍സിറ്റി അല്ലെങ്കില്‍ മെ ഡി സിറ്റി പോലും കാണുമായിരുന്നു .ചട്ടമ്പിസ്വാമി സ്മാരക യൂണിവേര്‍സിറ്റി /മെഡി സിറ്റി .ഹിന്ദു സമൂഹത്തിനു അതിനുള്ള ഭാഗ്യം കിട്ടിയില്ല
ചട്ടമ്പി സ്വാമികളുടെ പിന്‍ഗാമികളുടെ കഥയോ?
ചാവറ അച്ചനു ശേഷം എത്രയോ ക്രിസ്ത്യന്‍ സന്യാസി ശ്രേഷ്ടരെ മലയാളികള്‍ കണ്ടഫാദര്‍ വടക്കേമുറി(പാറത്തോട് മലനാട് സൊ സ്സൈറ്റി ,കൂവപ്പള്ളി അമല്‍ ജ്യോതി എന്‍ജിനീയരിംഗ് കോളേജ് .എരുമേലി-പമ്പാവാലി (പാലം )- ശബരിമല റോഡ്‌ എന്നിങ്ങനെ എത്രയോ പാതിരി സംഭാവന കള്‍ .
ഈയിടെ അന്തരിച്ച (2017 )തൃശ്ശൂര്‍ ഗബ്രിയേല്‍ അച്ചന്‍ -സ്ഥാപനസൃഷ്ടികളുടെ അച്ചന്‍ -തൃശ്ശൂര്‍ അമലാ കാന്‍സര്‍ സെന്‍റര്‍ ,ഇരിങ്ങാലക്കുട ക്രൈസ്റ്റ് കോളേജ് ,ഇരിങ്ങാലക്കുട വനിതാ (സെന്റ്‌ ജോസഫ്സ് )കോളേജ് ,ചാലക്കുടി കാര്‍മല്‍ സ്കൂള്‍ ,ഭാരതമാതാ സ്കൂള്‍ ,ഇരിങ്ങാലക്കുട ആര്‍ട്സ് കേരള ,കാത്തലിക് സെന്‍റര്‍ ,ദീപ്തി കള്‍ച്ചറല്‍ സെന്‍റര്‍,കുരിയച്ചിറ ഗലീലി ചേതന ,വികലാംഗകര്‍ക്ക് തൊഴില്‍ പരിശീലനം നല്‍കാന്‍ സ്നേഹ ഭവന്‍ ബിന്ന ശേഷിക്കാര്‍ക്കായി പ്രതീക്ഷാ ഭവന്‍ തുടങ്ങിയ സന്യാസി സംഭാനകള്‍ .
കാഞ്ഞിരപ്പള്ളിയിലെ ഫാദര്‍ ആന്റണി നിരപ്പേല്‍ തുടങ്ങിയ സെയിന്റ് ആന്റണി വിദ്യാഭ്യാസ സ്ഥാപങ്ങള്‍ അങ്ങനെ എത്രയോ പാതിരി സംഭാവനകള്‍
അവരില്‍ ഒരാളുടെ എങ്കിലും നിലയിലേക്ക് ഉയരാന്‍
സ്ഥാപങ്ങള്‍ കെട്ടിപ്പടുക്കുവാന്‍ ചട്ടമ്പി സ്വാമികള്‍ക്ക് കഴിഞ്ഞോ ?
അദ്ദേഹത്തിന്‍റെ ഏതെങ്കിലും ഒരു ശിഷ്യന് കഴിഞ്ഞുവോ ?
വാഴൂര്‍ ആശ്രമ സ്ഥാപകന്‍ തീരത്ഥപാദ പരമ ഹംസ സ്വാമികള്‍ ക്കൊഴികെ (വടക്കന്‍ പറവൂരില്‍ നിന്ന് വാഴൂര്‍ കുതിരവട്ടം കുന്നില്‍ കുടിയേറിയ കൃഷ്ണ കുറുപ്പ് –കുറുപ്പുസ്വാമി).പക്ഷെ അദ്ദേഹത്തെ എല്ലാവരും കൂടി തമസ്കരിച്ചു.
ആധുനിക മലയാളി സമൂഹം ചട്ടമ്പി സ്വാമികളെ അറിയും .എന്നാല്‍ ആ തിരിയില്‍ നിന്ന് കൊളുത്തി പന്തമായി മാറിയ വാഴൂര്‍ സ്വാമികളെ അറിയില്ല .അദ്ദേഹത്തിന്‍റെ ശിഷ്യ വാഴൂര്‍ നിവേദിത (ചിന്മ യാ ദേവി) എന്ന മഹിളാ മന്ദിരം കെ ചിന്നമ്മയെ അറിയില്ല .
എന്താണ് കാര്യം?
ആരാണ് തെറ്റുകാര്‍ ?
കുഞ്ഞന്‍ പിള്ള ചട്ടമ്പി ഒരു വെറും സാധാരണ
സന്യാസി മാത്രം ആയിരുന്നു.സമ്പന്ന നായര്‍
കുടുംബങ്ങളില്‍ മാറിമാറി തങ്ങി
സ്വന്തമായി കിടപ്പറയോ കിടക്ക പോലുമോ ഇല്ലാതിരുന്ന ഒരു സര്‍വ്വ സംഗ പരിത്യാഗി .
ഒറ്റ മുണ്ടും പുതപ്പും വടിയും പിന്നെ ഒരു മോതിരവും മതി എന്ന് കരുതിയ അവധൂതന്‍
അദ്ദേഹം ഒരു ഹിന്ദു നവോത്ഥാന നായകന്‍ ആയിരുന്നില്ല .
സംഘാടകന്‍ ആയിരുന്നില്ല
പ്രഭാഷകന്‍ ആയിരുന്നില്ല
ബോധവല്‍ക്കരണ വിദഗ്ദന്‍ ആയിരുന്നില്ല
മതപ്രഭാഷണ പരമ്പരകള്‍ നടത്തിയില്ല
(ചെറുകോല്‍ പ്പുഴ ഹിന്ദു മത സമ്മേളനം അദ്ദേഹത്തിന്‍റെ പേരില്‍ അറിയപ്പെടുന്നു എങ്കിലും അതിന്‍റെ സ്ഥാപനത്തില്‍ അദ്ദേഹത്തിന് പങ്കില്ല .അതില്‍ അദ്ദേഹം പങ്കെടുത്തിട്ടില്ല )
എന്നാല്‍
തീരത്ഥപാദ പരമഹംസ സ്വാമികളുടെ പ്രവര്‍ത്തനങ്ങള്‍ കാണുക
വൈക്കം സി.കെ നാരായണപിള്ളയെ
(പിന്നീട് ദയാനന്ദസ്വാമികള്‍ )കൊണ്ട് ചിറക്കടവിലും ചെറുവള്ളിയിലും ഓരോ സ്കൂള്‍ സ്ഥാപിച്ചു
നിരവധി ഹിന്ദു മതമഹാ സമ്മേളനങ്ങള്‍ സംഘടിപ്പിച്ചുകൊണ്ടുള്ള
ബോധവല്‍ക്കരണ പ്രഭാഷണ പരമ്പരകള്‍.
പന്തളത്തും അടൂരും ആശ്രമങ്ങള്‍.
അടൂരില്‍ സംസ്കൃത സ്കൂള്‍.
അനാഥബാല മന്ദിരം (1930)
ശ്രീമതി കെ.ചിന്നമ്മയെ കൊണ്ട് വാഴൂരില്‍ പെണ്‍പള്ളിക്കൂടം
പില്‍ക്കാലത്ത് തിരുവനന്തപുരത്ത് മഹിളാമന്ദീരം
ഓരോ കരയിലും (നായര്‍) പുരുഷ-സ്ത്രീ സമാജങ്ങള്‍
ആശ്രമങ്ങള്‍ -വാഴൂര്‍, അയിരൂര്‍ എഴുമറ്റൂര്‍
വാഴൂര്‍ മഠത്തില്‍ രാമപണിക്കര്‍ വഴി കൊടുങ്ങൂരില്‍ ആണ്‍-പെണ്‍ പള്ളിക്കൂടങ്ങള്‍
ബ്രാഹ്മണസംബന്ധം ഒഴിവാക്കല്‍. വാഴൂര്‍ കൊല്ലത്ത് തറവാട്ടില്‍
ഏറ്റവും പ്രായം ചെന്ന വല്യമ്മയെ കൊണ്ടു കെട്ടുകല്യാണം നടത്തിച്ചു
ബ്രാഹ്മണ ബന്ധം ഒഴിവാക്കി
കേരളീയ നായര്‍ സമാജ പ്രവര്‍ത്തനം
“നായര്‍ പുരുഷാര്‍ത്ഥസാധിനി” സ്ഥാപനം /പ്രവര്‍ത്തനം
(മന്നത്തിന് മുമ്പ് ).
പുസ്തകരചനകള്‍/പ്രസാധനം
മതപരിവര്‍ ത്തനിത്തെതിരെ ഉള്ള പ്രവര്‍ത്തനം
കോട്ടയം സി.എം എസ് കോളേജിലെ ?പള്ളം ബുക്കാനന്‍ ഹോസ്റല്‍
ഗൌരി യമമ സംഭവം (1918)
ചാമം പതാല്‍ മാങ്ങാട്ട് കാവ് വെട്ടി വെളുപ്പിച്ച് നായര്‍ യുവാക്കളെ കൊണ്ട് പല വിധ കൃഷികള്‍ ചെയ്യിച്ചു
കൃഷി പ്രോത്സാഹനം .പച്ചക്കറി കിഴങ്ങ് കൃഷി പ്രോത്സാഹനം
ചീട്ടുകളി ,ചതുരംഗം എന്നിവയെ ഒഴിവാക്കാന്‍ നായര്‍ യുവാക്കളെ പ്രേരിപ്പിക്കല്‍
നായര്‍ പെണ്‍കുട്ടി കളെ മാന്യമായ വേഷം ധരിപ്പിക്കാന്‍ പ്രേരിപ്പിക്കുക
(അക്കാലം വരെ കവുങ്ങിന്‍ കൂമ്പാള മാത്രം ധരിച്ചു കുമാരികള്‍ നടന്നിരുന്നുഎന്നോര്‍ക്കുക )
വാഴൂരില്‍ ഗ്രാമീണ റോഡ്‌ നിര്‍മ്മാണം
ഹരിജനങ്ങള്‍ക്ക് ക്ഷേത്രം തുറന്നു കൊടുക്കല്‍
അനാചാര നിര്‍മാര്‍ജനം
(താലികെട്ട് കല്യാണം ,
പുളികുടി അടിയന്തിരം,പതിനാറടിയന്തിരം എന്നിവയുടെ ധൂര്‍ത്ത്
തടയല്‍ )
ഉപരി പഠനത്തിനു ദരിദ്ര ബാലര്‍ക്ക് സാമ്പത്തിക സഹായം
വാഴൂരില്‍ പോസ്റ്റ്‌ ഓഫീസ് സ്ഥാപനം
സര്‍ക്കാര്‍ ആയുര്‍വേദ വൈദ്യശാല സ്ഥാപനം
ഇംഗ്ലീഷ് ഡിസ്പെന്സറികള്‍ സ്ഥാപിക്കല്‍
പ്രൈമറി-മിഡില്‍-ഹൈസ്കൂളുകള്‍
(പില്‍ക്കാലത്ത് അത് ഹയര്‍ സെക്കണ്ടറി /വാഴൂര്‍ കോളേജ്ആയി ഉയര്‍ന്നു )
പക്ഷെ ആശ്രമം അവ എന്‍ എസ് എസ്സിന് വിട്ടുകൊടുത്തു കൈ കഴുകി
വാഴൂരില്‍ ഭജനമഠം സ്ഥാപനം.
യഥാര്‍ത്ഥത്തില്‍ നായര്‍ സമുദായത്തിന്‍റെ
ആത്മീയ ആചാര്യന്‍ ആയി എന്‍ എസ് എസ്
ഉയര്‍ത്തി കാട്ടേണ്ടിയിരുന്നത്
വാഴൂര്‍ സ്വാമികളെ ആയിരുന്നു .
ജീവിച്ചിരുന്നപ്പോള്‍ “എന്നെ കുരുവാക്കേണ്ട” എന്ന് നായര്‍ സമുടായതോടു തുറന്നു പറഞ്ഞ,നായര്‍ കരയോഗ സമ്മേളനങ്ങളെ പരിഹസിച്ചിരുന്ന,നായന്മാരുടെ പല അച്ചന്മാരെ (വയലില്‍ പോകുന്ന അച്ഛന്‍ ,ചന്തയില്‍ പോകുന്ന അച്ഛന്‍ ,കച്ചേരിയില്‍ പോകുന്ന അച്ഛന്‍ എന്നിങ്ങനെ ) പരിഹസിച്ചിരുന്ന സന്യാസിവര്യന്‍ ആയിരുന്നു ചട്ടമ്പി സ്വാമികള്‍ അദ്ദേഹം സമാധി (1924) ആയിക്കഴിഞ്ഞപ്പോള്‍ ആരെക്കയോ അദ്ദേഹത്തെ “നായര്‍ ആചാര്യന്‍” ആയി ഉയര്‍ത്തി എന്നതാണ് ചരിത്രം .
തീര്‍ത്ഥപാദര്‍ അര്‍ഹിച്ച ബഹുമതികളും സ്ഥാനങ്ങളും മന്നത്തിനും ചട്ടമ്പിസ്വാമികള്‍ക്കായി അവരുടെ ആരാധകര്‍ വീതം വച്ചു നല്‍കി.
.ഒരു സര്‍വ്വസംഗപരിത്യാഗിയായ സാധാരണ സന്യാസിവര്യന്‍ മാത്രമായിരുന്നു ചട്ടമ്പിസ്വാമികള്‍ .സമുദായപരിഷ്കര്‍ത്താവോ സംഘാടകനോ നവോത്ഥാന നായകനോ മതപ്രഭാഷകനോ ഒന്നുമായിരുന്നില്ല അദ്ദേഹം.
എന്നാല്‍ അദ്ദേഹത്തിന്‍റെ ശിഷ്യന്‍, വാഴൂര്‍ സ്വാമികള്‍, അതെല്ലാം ആയിരുന്നു .വലിയ ഒരു വിപ്ലവകാരിയും .ചുരുക്കത്തില്‍ യഥാര്‍ത്ഥനായര്‍ നവോത്ഥാന നായകന്‍ തീര്‍ത്ഥപാദര്‍ തന്നെ. .ആദ്യനായര്‍ സമുദായസംഘാടകനും..(നായര്‍ പുരുഷാര്‍ത്ഥസാധിനി (1910-12)
മന്നത്ത് പത്മനാഭന്‍ ആകട്ടെ , അദ്ദേഹത്തിന്‍റെ പിന്‍ഗാമി മാത്രം തീരത്ഥപാദര്‍ എന്ന “അമരക്കാരന്‍റെ പിന്നില്‍ ഇരുന്ന ഒരു തുഴച്ചില്‍ക്കാരന്‍” മാത്രം ആയിരുന്നു എന്‍ എസ് എസ് സ്ഥാപകന്‍ എന്ന് ചരിത്രം .
കൂടുതല്‍ അറിയാന്‍ വിധ്യാനന്ദ തീര്‍ത്ഥപാദ സ്വാമികള്‍ ,രാമകൃഷ്ണന്‍ വൈദ്യര്‍ എന്നിവര്‍ ചേര്‍ന്ന് എഴുതിയ തീര്‍ ത് ഥപാദ സ്വാമികള്‍ ജീവചരിത്രം –രണ്ടു വാല്യം – വായിക്കുക .
Kanam Sankara Pillai2 പുതിയ ഫോട്ടോകൾ ചേർത്തു — SreeVidyadhiraja Viswadharmasangham എന്നയാൾക്കൊപ്പം.
“നായന്മാര്‍ ,ഈഴവര്‍ ,നാടാന്മാര്‍ ,പറയര്‍ ,പുലയര്‍ തുടങ്ങിയ സമുദായങ്ങളെ ഉള്‍പ്പെടുത്തി ഒരൊറ്റ ഹിന്ദു സമൂഹം വാര്‍ ത്തെടുക്കുക
എന്നതായിരുന്നു (ചട്ടമ്പി )സ്വാമികളുടെ ലക്‌ഷ്യം “
എഴുതിയത്
ചട്ടമ്പിസ്വാമികള്‍ ഒരു ധൈഷണിക ജീവചരിത്രം എഴുതിയ ശ്രീ ആര്‍ രാമന്‍ നായര്‍ (കേസരി വാരിക 2017 മാര്‍ച്ച് 31 ലക്കം പുറം 19
ശ്രീ രാമന്‍ നായര്‍ എഴുതിയത് വാസ്തവമോ ?
സ്വാമികള്‍ക്ക് അങ്ങനെ ഒരു ലക്‌ഷ്യം ഉണ്ടായിരുന്നോ ?
അതിനായി സ്വാമികള്‍ എന്ത് ചെയ്തു ?
എന്തേ ലക്‌ഷ്യം കൈവരിക്കാതെ പോയി ?
ആരാണ് കാരണക്കാര്‍ ?
എന്തായിരുന്നു കാരണം ?
അറിയാന്‍ ആഗ്രഹം
ആര്‍ക്കറിയാം ഉത്തരം
അതോ ശ്രീ രാമന്‍ നായര്‍ പോഴത്തരം
എഴുതിയതോ ?